حملة في شهر التوعية بسرطان الثدي، للمتعافيات وللي بيدرّبوهم. هدفها إن كل متعافية تلاقي اللي يدرّبها بأمان، وإن كل مدرب يعرف يعمل كده.
القوة بعد سرطان الثدي بتتبني..
بالقياس، مش بالتخمين.
قبل ما ندرّب.
كل يوم في مصر 71 سيدة بيتشخّصوا بسرطان الثدي.
حالة جديدة كل سنة
من سرطانات السيدات الجديدة.. الأول في مصر
سيدة عايشين بعد التشخيص خلال آخر 5 سنين
GLOBOCAN 2024 · IARC/WHO, Egypt fact sheet
«ماتشيليش حاجة تقيلة»
دراسة واحدة غيّرتها.
141 متعافية عندهم ليمفيديما مستقرة، اتمرّنوا أثقال سنة كاملة، مرتين في الأسبوع، بتدرّج بطيء جدًا وتحت إشراف.
تورم الدراع
مازادش
القوة العضلية
زادت
نوبات التفاقم
14% vs 29%
بشروط: تدرّج بطيء جدًا، وإشراف متخصص، وكم ضاغط حسب كلام الطبيب. وده مش وعد بالوقاية.
Schmitz et al., N Engl J Med 2009
التأهيل جزء من الرعاية..
مش رفاهية.
التمرين المتدرج آمن، وله فوايد مثبتة على الإرهاق والقوة وجودة الحياة.
التأهيل بالتمرين مش علاج، ومش بديل عن الطبيب المعالج ولا عن أخصائي العلاج الطبيعي. هو حلقة مكمّلة في الرعاية، بتبدأ بعد موافقة الطبيب وبتمشي بالتنسيق مع الفريق المعالج.
دليل مجاني..
من أول تقييم لآخر جلسة.
إشارات المرور قبل كل جلسة، وكل علاج ومعناه في الصالة، والتقييم والتدرّج، والليمفيديما، وتقول إيه للمتدربة.. بالعامية المصرية.
عند الشك، وقّف.
اسألها في أول كل جلسة: «حاسة بإيه النهارده؟».. والإشارة هي اللي تحدد.
وقّف وحوّلها للطبيب
ألم في الصدر، ضيق نفس، دوخة، حرارة، أو تورم مفاجئ في الدراع أو الرجل
خفّف الشدة والحجم
إرهاق أعلى من العادي، الأيام اللي بعد جرعة الكيماوي، أو ثقل خفيف في الدراع
البرنامج زي ما هو
الأعراض مستقرة، والدراع زي ما هو، والإرهاق في حدوده
قول كده.. ماتقولش كده
«النهارده هنمشي على قد طاقتك، وده جزء من الخطة.»
«إنتِ محاربة، لازم تكملي!»
«الأيام الصعبة طبيعية، المهم إننا مكمّلين.»
«خلاص ارتاحي وماتتعبيش نفسك.»
«ده سؤال مهم، خلّينا نسأل دكتورك فيه.»
«جرّبي المكمّل ده، بيقوّي المناعة.»
«حاسة بإيه في الدراع بعد التمرين ده؟»
أي تعليق على الوزن أو الشعر أو شكل الجسم
قبل ما تبدئي تمرين..
بنقيس.
- 01نتكلم الأول: العلاج اللي خلّصتيه، واللي لسه مستمر، وموافقة الطبيب.
- 02نقيس: مدى حركة الكتف، وقوة الدراعين بجهاز SIA Dyno، ونقارن الجنبين.
- 03برنامج متدرج: على قدّك، ونعيد القياس عشان نشوف التقدّم بالأرقام.
د. حسام زيدان
مدرس بقسم علوم الصحة الرياضية، كلية علوم الرياضة، جامعة العاصمة. رئيس قسم التأهيل بالمنتخب المصري لرفع الأثقال الأولمبي، ومبتكر جهاز SIA Dyno لقياس القوة العضلية.
«بنقيس قبل ما ندرّب، وبنبني القوة بالأدلة، مش بالتخمين.»
أسئلة بتتكرر
لازم موافقة الطبيب الأول؟
أيوه. قبل أي برنامج تمرين بعد سرطان الثدي لازم موافقة الطبيب المعالج، وده أول بند في الدليل وأول خطوة في التقييم.
التمرين آمن مع الليمفيديما؟
في الدراسات، تمرين الأثقال المتدرج ببطء وتحت إشراف مازوّدش التورم عند السيدات اللي عندهم ليمفيديما مستقرة. بس ده بشروط: تدرّج بطيء جدًا، وإشراف متخصص، وكم ضاغط حسب كلام الطبيب. وده مش وعد بالوقاية.
الدليل مجاني فعلًا؟
أيوه، مجاني بالكامل ومن غير تسجيل. حمّله وشاركه مع أي حد بيدرّب متعافيات.
مين يقدر يستخدم الدليل؟
اختصاصيي التأهيل والمدربين وأخصائيي العلاج الطبيعي اللي بيدرّبوا متعافيات من سرطان الثدي. الدليل بيساعدك تشتغل بأمان، ومش بديل عن الطبيب.
التقييم بيتعمل فين؟
في The Sports Doctor Lab. ابعتيلنا على الواتساب ونحدد معاكي أقرب فرع وميعاد.
أكتوبر بيخلص..
والشغل مكمّل.